Klinisk biokemi ger kanningar innan: hematologi, biokemi- og immunokemi, umframt koagulatión og aðrar smáanalysur. Flestu kanningar verða gjørdar av blóði, men eisini annað tilfar so sum land, fæces, sáð, spinalvæta og aðrar vætur verða kannaðar. Kanningartilfarið stavar frá ambulantum- og innløgdum sjúklingum á Suðuroyar Sjúkrahúsi og ambulantum sjúklingum frá læknamiðstøðini á Tvøroyri og læknamiðstøðini í Vági. Vit gera uml. 70 ymiskar kanningar. Í 2019 vóru 113.745 kanningar gjørdar, harav 40.928 á innløgdum og 72.817 á ambulantum sjúklingum. Kanningar, sum ikki kunnu gerast á deildini, verða sendar til rannsóknarstovuna á Landssjúkrahúsinum, rannsóknarstovuna á Klaksvíkar Sjúkrahúsi og útlendskar rannsóknarstovur. Svar Svar uppá akuttar kanningar fyriliggja innan 1 tíma. Svar uppá vanligar rutinukanningar fyriliggja innan kl 15.00 gerandisdagar. Kanningarsvar frá rannsóknarstovuni á Landssjúkrahúsinum og Klaksvíkar Sjúkrahúsi fyriliggja vanliga innan 2-3 dagar. Kanningarsvar frá útlenduskum rannsóknarstovum fyriliggja vanliga innan 1-2 vikur. Sjúklingar fáa svar uppá rannsóknarstovukanningar við at venda sær til ávísandi lækna. |